【影片】《我老婆日日唔煮飯》第一集：家有鱷妻／鱷魚肉煲海底椰湯／豆豉水汁蒸鱷魚／蒜香半煎炸排骨

Hello，我係寶兒，我終於都出片了
.
一直以嚟，都係one-woman band。
因為鍾意食同鍾意煮嘢食，所以自己學煮、自己研究食譜、自己在家set場拍攝、自己影全部煮食步驟、自己寫食稿，在專欄裏面默默煮，出了兩本食譜書。
由2012年開始，一個人只有一雙手，但真係好想嘗試拍片啊，拍一啲可以鏡頭內外大家一起學習的煮食影片，再加一點趣味。
今次，終於終於願望成真。
好幸運地，遇上了這隊來自四面八方的有心攝製隊，大家都好鍾意食嘢、煮嘢，而大家都好想拍好呢條片。
如果話，我平時一個人影煮嘢食，要用超過四小時；為咗呢條片，係用咗每個人超過八小時，Get eat ready！仲要多謝主腦的傾力傾情支持！
希望大家鍾意，有任何建議，記得留言話我知～
.
仲有記得Like, Share & Subscribe，霞姨下次先會派飯盒俾我食
.
*今晚「兩餸一湯」菜單*
– 鱷魚肉煲海底椰湯
– 豆豉水汁蒸鱷魚
– 蒜香半煎炸排骨

呢個系列嘅靈感，嚟自一套賣座日本電影《我老婆日日都扮死》。老婆日日扮死，都係想引老公注意。Poyee日日唔煮飯，都係想鼓勵大家動手煮餐住家飯，等屋企人個個食得開心啫。

—————————-

Poyee(寶兒)係食譜作者、烹飪導師、專欄作者同美食愛好者。佢曾經喺2013年參加咗法國工作假期(Working Holiday)，周圍學整法式地道菜，佢嘅文章刊登喺香港嘅報章雜誌。出版著作有《出走，走進法國人家廚房》及《法國咬一口——61道在家也能做的法式料理》；專欄有《明報》每月「歐陸煮意」教授西式料理；以及「另一個胃」教授西式甜品。佢同時鍾意涉獵各種菜式嘅烹調方法，包括中西日韓等，務求親手炮製出天下美食！

Poyee嘅Facebook專頁 : 煮事：屋邨女孩的法國廚房
Poyee嘅IG : cookstuffs.poyee
Get Eat Ready嘅IG：geteatready
Get Eat Ready嘅YouTube: Get Eat Ready