收到 葉子騫Edward 傳來Jamie Oliver的「為食起革命」挑戰：「一人一煮全球自煮」。好啦，最近其實有點忙，不過早餐有時都想食好啲，那就自己煮吧。

簡單方便一點，材料可以去街市或超市一次買齊。更忙的話，將煙肉青椒等全部切粒，用微波爐叮熟，一樣可以。但腸仔和熱狗包還是想香口點，所以開鑊煎一煎。將所有材料塞晒落個包度，鋪上芝士，再進焗爐焗一下（又話簡單啲？哈哈，還是太貪心了）。熱辣辣，大口咬，食完一定精神百倍！

啊，熱狗底下的一本《Breakfast》食譜，是我去英國出差時買回來的，早餐又有好計仔。

材料：（所有材料可以隨你鍾意增減）

洋葱粒、蒜蓉 少許
煙肉粒 隨你鍾意
青椒粒 隨你鍾意
酸瓜 隨你鍾意
芝士 隨你鍾意
香腸 隨你鍾意

牛油熱狗包 1個
茄汁、芥末 隨你鍾意

做法：

1. 先用滾水烚一下腸仔，如果唔係煎的時候裏面唔熱。

2.  洋葱粒、蒜蓉加橄欖油，叮 20秒。

3. 加入煙肉粒拌勻，再叮 1分鐘至熟。

4. 加入青椒粒，再叮 10秒。

5. 煎香腸仔和熱狗包。

6.  將腸仔、洋葱蒜蓉煙肉青椒酸瓜粒，全塞進熱狗包裏，鋪上芝士，進已預熱焗爐180度，焗5分鐘至芝士融化。最後瘋狂擠上茄汁和芥末，要馬上大口咬下去！

你也可以一起「一人一煮全球自煮」
接受挑戰的朋友，只需煮一道你自己的菜式，加一張相，並寫上食材和簡單做法（不用像這個詳細的），然後TAG至少一個朋友來繼續這活動便可。如果你於7日內無法接受挑戰，你可以直接捐出不少於 $100，支持本地為學童提供的免費健康飲食教育項目，以抵消挑戰。捐款詳情：www.frd.asia